06.09.10 12.58 | Tveir av okkara ungu tónleikanæmingum, sum ganga á Tórshavnar Musikkskúla, Ulrike Nygaard og Regin Winther Poulsen, eru við, tá norðurlendsku tónleikadagarnir, Nordiske Musikdage 2010, byrja mikudagin
06.09.10 12.58 | Føroysk listafólk vísa sínar dygdir í Berlin hesa vikuna. Endamálið er at varpa ljós á, at Føroyar eru til og fremja útflutning av tónleiki og øðrum kreativum vinnum
06.09.10 12.58 | Nú, ið tølini fyri 2009 eru tøk, síggja vit, at Faroe Seafood er ein størri arbeiðsgevari enn árið frammanundan. Bæði sum beinleiðis arbeiðsgevari og sum vinnuligt samtak
06.09.10 12.59 | Tannkrúnurnar frá Oversea Labs eru ikki heilsuskaðiligar og halda ikki styttri aðrar tannkrúnur, sigur kanning hjá norðurlendskum kanningarinstitutti. Danska Lægemiddelstyrelsen kannar, hvat er hent, tá gullinnihaldið í krúnunum varð lækkað
06.09.10 12.59 | Bókadeild Føroya Lærarafelags hevur givið út bókina “Nýmáni” eftir amerikanska rithøvundan Stephanie Meyer. Tað var hon, sum skrivaði “Skýming”, sum sama bókaforlag gav út á føroyskum í fjør. Árliga inntøkan hjá rithøvundanum liggur um 50 mió. kr.
06.09.10 12.59 | Stuldur: EB/Streymur gjørdi avtalu við Formula, í sambandi við at bókhaldarin á Formula, sum eisini var kassameistari í fóltbóltsfelagnum, hevði svikað fyri einar fimm milliónir krónur. Tað varð gjørt áðrenn málið varð meldað
06.09.10 12.59 | Íslenski forsætisráðharrin, Jóhanna Sigurðardóttir, kemur á almenna vitjan í Føroyum mánakvøldið. Við henni er kona hennara Jónína Leósdóttir og fylgi
06.09.10 12.59 | Sjálvt um ætlanin var at fáa eina loysn á fíggjarligu trupulleikunum hjá Faroe Seafood áðrenn aðalfundin, eydnaðist tað ikki. Fundurin varð hildin fríggjadagin, har nýggjur formaður var valdur og tað er nú upp til Inga Højgaard sum nevndarformann at finna eina haldbara fíggjarliga loysn fyri samtakið, sum samanlagt skyldar eina lítla hálva milliard
