Ein ”falliterklæring” frá Javnaðarflokkinum 

2016-08-19 10:48 Author image
Dimma

Nú Javnaðarflokkurin situr við stýrisvøl i Tórshavnar kommunu er einasta boðið uppá loysnir á eldraøkinum at flyta hetta aftur til landið. Hetta kom fram í DogV í kvøld, har tingmaður hjá Javnaðarflokkinum, sum nú bjóðar seg fram til kommunuvalið í Havn,  róði framundir, at eldraøkið átti at verða flutt aftur til landið at umsita.  Hetta er als ikki gott nokk. Mær vitandi situr Javnaðarflokkurin við øllum valdinum til tess at betra um korini hjá okkara eldru.

Kundi heldur hugsað mær at hoyrt tingfólk hjá Javnaðarflokkinum, sum ætla sær at stýra Tórshavar kommunu,  hvørjar loysnir og tænastur, tey síggja fyri sær á eldraøkinum í kommununi. Men kanska er hetta ein ov stór uppgáva hjá Javnaðarflokkinum, sum hevur met í tingfólkum, sum ætla sær at stýra Tórshavnar kommunu komandi árini, samstundis sum tey sita í Løgtinginum. Vónandi fær eldraøkið hægri politiska raðfesting enn hetta i Tórshavnar kommunu eftir valið, har tey eldru  koma í fremtu røð og verða eitt nú tikin  framum keyp av almennum bygningum fyri 100 tals mio, sum Javnaðarflokkurin hevur staðið á odda fyri hesi seinastu árini.

Sum haldari fart tú atgongd til alt tilfar í blaðinum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Meira langlesnaður