Erna Solberg máttmiklari enn Beyonce

Mynd: wikipedia

Erna Solberg máttmiklari enn Beyonce

2017-11-02 13:01 Author image
Leif Láadal

Miðilin Forbes letur á hvørjum ári ymsar listar við fólki, sum antin eru ríkast ella máttmiklast upp á ymsar mátar. Listarnir eru viðhvørt gjørdir upp eftir kyni, og nú ein dagin kom ein listi við máttmiklastu kvinnum í heiminum.

Bert ein norðurlendsk kvinna er á top 100-listanum. Tað er norski forsætisráðharrin Erna Solberg, sum er nummar 46. Sostatt er hon millum annað fýra pláss frammanfyri vinnulívskvinnuna Beyoncé Knowles, sum er mest kend fyri at syngja og ganga á odda fyri javnrættindum. Erna Solberg er eisini væl frammanfyri Hillary Clinton, sum er á 65. plássi.

Máttmiklasta kvinna í heiminum í løtuni er ikki heilt óvæntað týski kanslarin Angela Merkel. Bretski forsætisráðharrin Theresa May er nummar tvey og Melinda Gates, sum saman við manni sínum stýrir grunnin Bill & Melinda Gates Foundation, er nummar trý.

Erna Solberg verður hjá Forbes umrødd sum norska svarið upp á Angelu Merkel. Annars sigur Forbes, at Erna Solberg hevur uppiborið sterku støðu síni við millum annað at hava ført ein skynsaman fíggjarpolitikk í einum tíðarkeiði, har teir fyri Norra týdningarmiklu oljuprísirnir lækkaðu nógv. Eisini verður sagt, at hon er fyrsti leiðari fyri Konservativa flokkin í Norra, sum síðani 1985 hevur vunnið valið tvær ferðir á rað.   

Kelda og lesið meira HER

Top 100 listin hjá Forbes yvir máttmiklastu kvinnur í heiminum í løtuni sæst HER

 

 

Vikmar loftar tørvinum

Vikmar loftar tørvinum

Hjá Vikmar hava tey ment tær mest týðandi tele- og samskiftistænasturnar til føroyska skipaflotan

Author image Georg L. Petersen

Meira langlesnaður