Finn Thomsen skúlastjóri í Tvøroyrar Skúla

2016-06-16 13:00 Author image
Dimma

Landsstýriskvinnan í mentamálum, Rigmor Dam, hevur sett Finn Thomsen í starvið sum skúlastjóri í Tvøroyrar Skúla.

Tað boðar Mentamálaráðið frá í tíðindaskrivi.

Finn Thomsen er 59 ára gamal. Hann tók læraraprógv í 1982, umframt at hann m.a. hevur tikið skeið innan leiðslumenning. Finn Thomsen hevur øll árini starvast í Tvøroyar Skúla, fyrstu árini sum lærari, og frá 1992 hevur hann verið partur av leiðsluni í Tvøroyrar Skúla.

Finn hevur starvast sum deildarleiðari í Trongisvágs Skúla frá 1998 – 2009, tá hann var fyribilssettur sum varaskúlastjóri í Tvøroyrar Skúla fram til august 2012, tá hann var settur sum varaskúlastjóri í Tvøroyrar Skúla.

Finn tekur við starvinum sum skúlastjóri í Tvøroyrar Skúla 1. august 2016 at rokna.

placeholder

Meira langlesnaður