Havnin undir luppin

2016-05-26 06:24 Author image
Dimma

Í kvøld, hóskvøldið 26. mai kl. 20.00, verður øðrvísi kvøldseta á Reinsarínum, har høvuðsstaðarkommunan verður lýst fyrr og nú. Hendan dagin hevur Havnin havt býarstýri í 150 ár.

Á kvøldsetuni verður vístur nýggjur stuttfilmur um menningina hjá fólkaræðinum í býnum. Í fyrstani stýrdu bara menn Havnini, og 90 ár gingu, áðrenn nøkur kvinna slapp framat í býarstýrinum.

Á pallinum verður samrøða við Jens Paula Nolsøe, søgufrøðing, sum saman við Kára Jespersen hevur skrivað Havnar søgu. Samrøðan er um, hvussu Havnin gjørdist miðdepil í Føroyum.

Birita Wardum, býararkitektur, og Mayfinn Norðoy, arkitektur, skifta orð um at varðveita gamalt og skapa nýtt í býnum. Má tað gamla víkja fyri nýggjum, ella skal gamalt varðveitast av romantiskum orsøkum? Tey svara spurningum, eisini um miðbýin.

Hansina Iversen, listakvinna, hevur verið ein túr í gøtunum og tikið myndir. Hon fer aftur við myndunum at hugleiða um, hvat riggar og ikki riggar í býnum, og hvat býurin kundi bjóðað aftrat. Upplestur er eisini á skránni. Kim Hansen við væl uppløgdum orkestri spælir kendar havnarsangir millum innsløgini.

Kvøldsetan er ætlað at vera upplýsandi og hugfarslig. Uni Arge verður orðstýrari. Øll eru vælkomin.

   

   

Sum haldari fart tú atgongd til alt tilfar í blaðinum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Meira langlesnaður