Hernaðaratsóknir skapa fleiri yvirgangsfólk í Afrika

Mynd: EPA

Hernaðaratsóknir skapa fleiri yvirgangsfólk í Afrika

2017-09-16 12:39 Author image
Turið Nolsøe

Kanningin hjá ST, Journey to Extremism, er tann fyrsta av sínum slag, og vísir á orsøkir til at fólk gerast limir í yvirgangsfelagskapum í Afrika, sosum Boko Haram og Al Shabaab. Úrslitini eru grundað á samrøður við 495 limir í harðrendu yvirgangsfelagskapunum. 

Fátækradømi og veikar stjórnir eru høvuðsorsøkir á leiðini til gerast yvirgangsfólk, meðan 71% søgdu at harðskapur og atsóknir frá myndugleikum verða avgerandi orsøkina. Við lítlum og ongum møguleikum at skapa eitt betri lív og samfelag, missa nógv ung soleiðis álít á myndugleikarnar. Tey flestu svara, at dráp og handtøkur av familju og vinum fingu tey at taka endaligu avgerðina um at gerast limir í yvirgangsfelagskapum. 

Meira enn 33.000 menniskju eru dripin av afrikanskum yvirgangsfelagskapum millum 2011 og 2016. Nigeria hevur mist 40% í útlendskum íløgum orsakað av Boko Haram, meðan talið av ferðafólkum í Kenya er lækka við 40% orsakað av Al Shabaab. Harðskapurin forðar fíggjarligari og sosialari menning í nógvum londum.

- Tí tóku vit avgerðina um at vísindaliga kortleggja, hvussu fólk gerast yvirgangsfólk og hvussu vit best kunnu leggja ætlanir fyri at basa harðskapinum, sigur Abdoulaye Mar Dieye, leiðari fyri afrikansku deildini í menningarætlanini hjá ST (UNDP). 

Samstundis ætlar danska stjórnin at stuðla eini nýggjari hernaðardeild, ið skal berjast ímóti yvirganginum í Afrika. Hetta boðar Politiken frá. Avgerðin verður møguliga almannakunngjørd í næstu viku, og hevur undirtøku á Christiansborg. Framsøgufólk hjá danska Javnaðarflokkinum og Vinstraflokkinum meta ikki kanningina hjá ST verða orsøk til at slaka hernaðartiltøkini í afrikansku londunum.

Meira kann lesast um kanningina her

 

placeholder

So steinorðini rapa

So steinorðini rapa

Tóroddur Poulsen er kritiski útisetin, sum prikar og provokerar, men hann er eisini smæðin og sárur

Author image Emil Jacobsen
Partafelagið Føroyar

Partafelagið Føroyar

Fiskivinnunýskipanin skal steðga spekulatión við rættindum og útlendingar skulu út - úrslitið kann gerast eitt stórt monopol

Author image Georg L. Petersen

Meira langlesnaður