Handtikni Hamas-leiðarin verður roknaður sum ein av stovnarunum av vápnaða liðinum al-Qassam-brigaduni, sum ísraelar halda hava staðið fyri fleiri álopum á ísraelar
Mynd: Scanpix
Ísrael grípur í sjálva kjarnuna í Hamas
Skrivað hevur: Pól á Kletti Mánadagur 15. mars 2010, kl. 07.56, Dimma.fo
Ísraelskar trygdardeildir hava handtikið Maher Audi, ið er
ein av leiðarunum hjá Hamas á Vestara Áarbakka. Hann hevur verið jagstraður í fleiri ár
Ísraelskar trygdardeildir hava handtikið ein av leiðarunum hjá Hamas á Vestara Áarbakka. Hann eitur Maher Audi og varð handtikin undir einum átaki i Ramallah, har hann varð sæddur í einum húsum. Ein talsmaður fyri ísraelska herin sigur, at Maher Audi er ein av teimum, sum hava tikið stig til at stovna Hamas-uppreistrarørsluna á Vestara Áarbakka og hevur ábyrgd av drápi á í minsta lagi tíggju ísraelar. Tann 47 ára gamli Maher Audi verður harumframt roknaður sum ein av stovnarunum av vápnaða liðinum hjá Hamas, al-Qassam-brigaduni, sum ísraelar halda hava staðið fyri fleiri álopum á ísraelar. Hamas hevur ræðið á Gazageiranum, haðan fleiri granatir eru sendar móti Ísrael. Hamas hevur minni ávirkan á Vestara Áarbakka, har Mahmoud Abbas, forseti, og Fatah-rørslan ráða.
