Javnaðarflokkurin fremur álop á umsiting Løgtingsins

Javnaðarflokkurin fremur álop á umsiting Løgtingsins

2017-10-24 16:28 Author image
Sambandsflokkurin

Javnaðarflokkurin hevur í morgun – beint áðrenn sonevnda ”stjórnarskipanin” skal til viðgerðar í Løgtinginum – framt eitt ljótt álop á umsitingina hjá Løgtinginum.

Fólkatingslimur Javnaðarfloksins leypir ikki bert á umsitingina men eisini á sjálvan stjóran á Løgtingsskrivstovuni. Stjórin er evsti ráðgevi hjá Løgtinginum, ið skal tryggja, at tað, sum verður viðgjørt á Tingi, er í lagi.

Hetta, at Javnaðarflokkurin og fólkatingslimurin síggja seg ill inn á niðurstøðuna, sum Løgtingsskrivastovan er komin við, má og skal ongantíð síggjast aftur í persónligari útspilling av embætisfólkum.

Uppgávan hjá umsiting Løgtingsins er nettup at koma við sínum løgfrøðiligu niðurstøðum, og í hesum føri verður mælt til at burturvísa uppskotinum um sonevnda ”stjórnarskipan” av fleiri ymiskum orsøkum. 

Niðurstøður frá Løgtingsskrivstovuni eru týðandi, og tær skulu virðast í okkara parlamentarisku skipan.

Tað kann als ikki góðtakast, at ein flokkur í Løgtinginum – enntá løgmansflokkurin – spillir út embætisfólk hjá Løgtinginum. Hetta er undir alt lágmark og eigur ikki at vera partur av tí, sum fer fram í einum parlamenti.

At ein fólkatingslimur, ið sjálvur hevur fram brot á tagnarskyldu og hevur likið út loynilig skjøl, loyvir sær at finnast at embætisverki Løgtingsins, eigur ikki at fara óátalað aftur við borðinum.

Sambandsflokkurin

 

Sum haldari fart tú atgongd til alt tilfar í blaðinum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Meira langlesnaður