Katalonia verður møguliga sett undir umsiting

Mynd: epa.eu

Katalonia verður møguliga sett undir umsiting

2017-10-21 13:18 Author image
Guðrun í Jákupsstovu

Spanska stjórnin fundast í hesi løtuni, um grein 155 í sponsku grundlógini, ið gevur Spania heimild, at taka sjálvstýri í Katalonia úr gildi. Væntandi verður stjórnin komin til eina niðurstøðu hesum viðvíkjandi seinni í dag.

Hetta er ein sera óvanlig hending í sponskum politikki. Grein 155 hevur aldrin verið tikin í nýtslu fyrr.

Hetta hendir í kjalarvørrinum av, at Katalonia helt eina fólkaatvøðu um loysing frá Spania tann 1. oktober í ár. Ein fólkaatkvøða, ið spanska stjórnin segði vera ólógliga, og royndi av øllum alvi at forða.

Júst hvussu grein 155 skal útinnast er ikki heilt greitt. Sambært fleiri útlenskum miðlum er tað tó mest sannlíkt at katalanska stjórnin og katalanski forsetin, Carles Puidgemont, vera tikin úr embæti.

Vikmar loftar tørvinum

Vikmar loftar tørvinum

Hjá Vikmar hava tey ment tær mest týðandi tele- og samskiftistænasturnar til føroyska skipaflotan

Author image Georg L. Petersen

Meira langlesnaður