Legði á hýrivognsførara og varð handtikin

Legði á hýrivognsførara og varð handtikin

2017-11-05 10:31 Author image
Leif Láadal

Tað gekk ikki so væl hjá tveimum monnum, sum høvdu leigað sær ein bil úr Eysturoynni til Havnar í gjárkvøldi. Tá bilurin skuldi gjaldast, kom ósemja teirra millum um, hvussu rokningin skuldi gjaldast.

Vakthavandi á politistøðini sigur, at hýrivognsførarin fór við tí eina manninum út til sjálvtøkuna fyri at tryggja sær, at hann fekk allar sínar pengar, men tá legði maðurin á hýrivognsføraran, sum tó kláraði at hála seg leysan aftur. Førarin leyp inn í bilin, stongdi og koyrdi avstað. Í bilinum sat tó hin maðurin, og tá førarin hevði ringt eftir politinum, sum so møttist við bilføraranum og hinum manninum, varð farið at leyta. Maðurin, sum hevði verið harðligur, varð funnin á einum skeinkistað í býnum og handtikin.

Í fyrstu atløgu vórðu báðir mennirnir tiknir, men tann, sum ikki hevði verið harðligur, varð latin leysur aftur.

Handtikni maðurin er ikki avhoyrdur enn, men svevur rúsin av sær í varðhaldinum. Vakthavandi sigur, at hýrivognsførarar ikki eru umfataðir av sonevndu grein 119, sum gevur serliga harðan straff, um gjørt verður seg inn ávísar persónar - eitt nú løgreglufólk. Men at gera seg inn á fólk upp á hendan mátan, gevur eisini straff - vanliga ein mánaða í fongsul. Um tann dómur so verður treytaður, velst um umstøðurnar.

Sum haldari fart tú atgongd til alt tilfar í blaðinum á netinum, umframt tíðindi. Trýst á "Tekna hald" og skráset teg

Dimma Pluss og prent

kr. 129 / mðr

Dimma Pluss

kr. 99 / mðr

Dimma Pluss og Prent 365 dagar

kr. 1548 / 365 dagar

Dimma Pluss 365 dagar

kr. 1188 / 365 dagar

Meira langlesnaður