Michel Platini liðugur sum forseti í UEFA

2016-05-09 10:55 Author image
Dimma

Mánadagin fekk Platini niðursett sítt bann frá FIFA at virka sum forseti í evropeiska fótbóltssamgonguni, UEFA, úr átta árum niður í seks ár.

Tað er altjóða ítróttardómstólurin CSA, sum hevur linkað dómin, men í kjalarvørrinum á dóminum boðar Michel Platini tó frá, at hann er endaliga givin sum forseti í UEFA.

Advokatarnir hjá Michel Platini boða hansara vegna frá, at hann fer frá sum forseti á næstu ráðstevnuni hjá UEFA.

Michel Platini bleiv dømdur í 2015 fyri óetiskan atburð, tí hann tók ímóti tveimum milliónum sveisarfrankum frá Sepp Blatter, fyrrverandi stjóra í FIFA, fyri ráðgeving. Sjálvur var Michel Platini mettur at vera eitt høvuðsevni at gerast FIFA-forseti.

Michel Platini er 60 ára gamal. Sum fótbóltsspælari var hann m.a. sum liðskipari hjá Fraklandi við til at vinna EM í 1984. Ætlanin var, at EM í Fraklandi komandi summar skuldi vera krúnan á verkinum hjá honum sum forseti í UEFA, men nú skulu tey 55 limalondini so velja nýggjan forseta.

Sjálvur sigur Michel Platini, at hann er vónsvikin av málinum.

Vikmar loftar tørvinum

Vikmar loftar tørvinum

Hjá Vikmar hava tey ment tær mest týðandi tele- og samskiftistænasturnar til føroyska skipaflotan

Author image Georg L. Petersen

Meira langlesnaður