Suður-koreanski ambassadørurin í Danmark á vitjan í Føroyum

Suður-koreanski ambassadørurin í Danmark á vitjan í Føroyum

2017-10-23 15:27 Author image
Innsent

Í farnu viku var suðurkoreanski ambassadørurin í Føroyum og kunnaði seg um Føroyar og føroyskt vinnulív.

Suðurkorea er, eins og Kina, áhugaverdur marknaður fyri føroyskar útflutningsfyritøkur og Landsstýrið hevur raðfest at fáa handilsavtalu við Korea. Umboð fyri føroyskar myndugleikar hava fyrr verið og vitjað í Seoul og innleiðandi fundirnir vóru góðir. Umboð fyri Suðurkorea hava síðani verið á vitjan í Føroyum fyrst í hesum árinum og í farnu viku var suðurkoreanski ambassadørurin í Danmark á vitjan í Føroyum. Higartil hevur samskiftið millum Føroyar og Suðurkorea verið jalig og gongd er á málunum um at betra handilsligu sambondini landanna millum.

Føroyar hevur latið Suðurkorea uppskot til samstarvskarm millum londini. Sum er hevur Føroyar MFN støðu, sum merkir, at føroyskur útflutningur ikki fær hægri toll enn onnur lond, sum ikki hava serskilda fríhandilsavtalu.

Gleðiligt er, at Suðurkorea raðfestir Føroyar somikið ovarlaga og koma á vitjan fyri at seta seg inn í føroysk viðurskifti.

Vikmar loftar tørvinum

Vikmar loftar tørvinum

Hjá Vikmar hava tey ment tær mest týðandi tele- og samskiftistænasturnar til føroyska skipaflotan

Author image Georg L. Petersen

Meira langlesnaður