Var løgmaður politiskur?  

2016-06-14 16:15 Author image
Dimma

Løgmaður er vertur fyri vitjanini hjá Margretu drotning í hesum døgum, og tað gongur vinaliga og kurteisliga fyri seg, sum siður er. Onkuntíð er politikkur komin í eina drotningavitjan, men løgmaður hevur altíð hildið seg til at tosa uttan um politikk, tá ið hann hevur røtt.

Tað gjørdi hann eisini hesaferð, tá ið hann helt røðu fyri drotningini á Drelnesi í gjár. Men sæð í ljósinum av, at hendan samgongan fyrireikar eina nýggja stjórnarlóg, sum danska stjórnin hevur eina greiða meining um, kundi tað tykjast, sum løgmaður vildi heita á drotningina um at virða tær broytingar, sum henda í felagsskapinum millum londini.

Í okkara umseting ljóðaði hetta brotið í taluni á Tvøroyri nakað soleiðis:

- Vit skulu ansa eftir, at okkara vinalag ikki gerst óbroytiligt, men framtakssinnað og livandi. Tað eru nógvar meiningar og nógv ynski – og tað krevur, at vit tillaga okkum. Men málið má vera, at tingini fáa loyvi at menna seg eftir tørvi og ynskjum, segði løgmaður.

Spurningurin er, um ikki løgmaður við hesum eisini kom inn á ta mótstøðuna, sum danska stjórnin hevur víst í málinum um stjórnarskipanina. Danski forsætisráðharrin hevur í øllum førum gjørt greitt, at danska grundlógin setir mørk fyri, hvat ein føroysk stjórnarskipan kann innihalda, og tað er danska løgmálaráðið, sum hevur allan tulkingarrættin.

Løgmaður og samgongan hava hinvegin víst á, at ríkisfelagsskapurin er nógv rúmligari enn grundlógin loyvir, og hann hevur ment seg langt út um grundlógina. Tí kann kurteisliga orðingin eisini tulkast sum ein viðurkenning av hesum – og ein stillislig áheitan á drotningina.

 

Soleiðis var annars røða løgmans á Drelnesi í fullari longd:

”Deres Majestæt Dronning Margrethe

Det er mig en stor ære på vegne af det færøske folk at byde Deres Majestæt hjertelig velkommen til Færøerne!

Deres besøg er med til at styrke de tidløse bånd, der knytter sammen Færøerne og Danmark, vore lande og vore folk.

Det er med stor glæde, at vi modtager Dem her på Tvøroyri. Denne historiske og traditionsrige by, omkranset af smukke fjelde.

Deres Majestæt.

Vi skal huske at værdsætte vores venskab. Vi har en lang fælles historie. Her tænker jeg først og fremmest på alle de historiske, følelsesmæssige og familiemæssige bånd, som over hundredvis af år er knyttet mellem os. Det er næppe muligt at finde en familie på Færøerne, som ikke har slægtsmæssige bånd til Danmark.

Vi skal passe på, at vores venskab ikke bliver statisk, men forbliver dynamisk og levende. Der er mange meninger og mange ønsker – og det kræver, at vi tilpasser os. Men målet må være, at tingene får lov til at udvikle sig i henhold til behov og ønsker.

Deres Majestæt.

Ved Deres besøg påmindes vi igen om vort dyrebare venskab, der holder os sammen, når verden ellers står for store og omfattende udfordringer.

Vi ønsker af hele vort hjerte, at De får nogle gode dage her sammen med os.

Góðu fólk, latum okkum, sum siður er, rópa eitt 9-falt hurra fyri hennara Hátign Drotningini.

Drotningin leingi livi!”

placeholder

Meira langlesnaður