100 ára føðingardagur í Hvalba

Hósdagin 4. august fyllir Betta Eið í Hvalba 100 ár.

Beitta Eið er úr Nesi í Hvalba, men býr nú á Sambýlinum á Óðalsbrekku í Hvalba. 100 ára føðingardag sín heldur hon í Roynhøllini í Hvalba frá klokkan 13 til 18. Har bjóðar hon øllum, sum eru yvir 7 ár, ein betri bita.

Boðini frá Bettu Eið eru, at um nakar ætlar at geva henni eina gávu, so ynskir hon sær pengar, so hon kann stuðla einum vælgerandi arbeiði.

Tá nýggi Hvalbiartunnilin læt upp í mai mánaða í fjør, var tá 98 ára gamla Betta Eið aldursforseti í bygdini og fyrsti persónur saman við tá 95 ára gamla Allon Næs at koyra gjøgnum tunnilin.