Tilsamans 527 grindahvalir løgdu beinini í Føroyum í fjør.
Tað vísir uppgerðin hjá Hagstovuni fyri í fjør.
Teir 527 grindahvalirnir vórðu býttir út á fimm grindir, har tvær vóru í Havn, ein var í Syðrugøtu, ein á Sandi og ein í Vági.
Í grindunum báðum í Havn løgdu 288 hvalir beinini; í Syðrugøtu 19; á Sandi 101, og í Vági 119.
Tilsamans var talan um 3.867 skinn.
Samanborið við talið á grindum seinastu árini var árið í fjør ikki serliga gott, og seinastu 10 árini er tað bert í 2014 og 2020, at færri grindir hava verið í Føroyum. Tá vóru ávíkavist tvær og fýra.
Men um hugt verður eftir samlaða talinum á grindahvalum, er talið eitt sindur javnari, og árið í fjør var á støði við undanfarin ár.
Umframt hesar 527 grindahvalirnar vóru eisini 98 hvessingar og seks døglingar í fjør.
.png){kind=logo}
