Løgreglan hevur í dag fingið ein lista við 527 nummarplátum, ið skulu klippast.
Vegskatturin skal galdast tvær ferðir um árið, og gjøldini fella til gjaldingar 2. Januar og 1. Juli. Tað er altso eftirstøðan fyri fyrra hálvár, ið nú ger, at løgreglan skal út at klippa plátur.
Akstovan sigur, at áminningarskriv verðir sent tvær ferðir í hvørjum hálvári, og um gjaldið framvegis ikki er goldið, verður skriv sent til løgregluna um at taka nummarspjøldrini.
Tað er kortini ikki so, at løgreglan ger eitt ordans hál og klippir allar nummarpláturnar í senn, men vanliga verða nakrar kliptar so hvørt, og tað plagar at verða gjørt um náttina.
Einasti mátin, ið eigarin sleppur undan at fáa nummarpláturnar kliptar, er at gjalda eftirstøðuna og vísa kvittan fyri goldna vegskattaeftirstøðu.
.png){kind=logo}
