96 tilburðir í gjár
Fyrr í dag væntaði landslæknin, at talið fyri kanningar í gjár fór at tátta í tey 100. Nú eru tølini úti og smittutalið er 96 fyri seinasta døgnið
Sigurjón Einarsson
7. desember 2021 kl. 19:25
Í gjár vóru 96 nýggir tilburðir staðfestir, vísa nýggjastu tølini hjá landslæknanum.
Landslæknin hevur verið í sambandi við øll tey smittaðu, skrivar korona.fo.
3.027 kanningar vórðu gjørdar seinasta døgnið. Í løtuni eru 596 fólk smittað og sjey eru innløgd við koronu í Føroyum.
Smittutrýstið gongur eisini skeiva vegin aftur, sæst á talvuni niðanfyri.
13 fólk eru skrásett sum deyð við koronu.
.png){kind=logo}
