Håkan Ericson hevur skift fýra spælarar út á liðnum, sum um ein tíma fer at spæla ímóti Moldova, tá ið sammett verður við teir fyrstu ellivu ímóti Póllandi.
Nýggir á liðnum eru Brandur H. Olsen, Jákup B. Andreasen, Andrass Johansen og Klæmint A. Olsen.
Brandur og Jákup eru sentralir á miðvøllinum, Andrass er ytstur á miðvøllinum í vinstru, og Klæmint er fremsti maður.
Á beinkin eru farnir Sonni Ragnar Nattestad, Hørður H. Askham, René Shaki Joensen og Sølvi Vatnhamar.
Andrass Johansen úr B36 hevur ongantíð áður verið millum teir fyrstu ellivu á landsliðnum. Í 3-1 heimatapinum ímóti Albania 20. juni var hann á vøllinum síðstu 25 minuttirnar. Hetta var fyrsta ferðin yvirhøvur, at hann var á landsliðnum, og hann hevur ikki verið á iðnum síðani tá.
Føroyar: Mattias H. Lamhauge - Gilli Rólantsson Sørensen, Odmar Færø, Gunnar Vatnhamar, Viljormur Davidsen - Jóannes Bjartalíð, Brandur H. Olsen, Jákup B. Andreasen, Andrass Johansen - Jóan Símun Edmundsson, Klæmint A. Olsen
Á beinkinum: Teitur Matras Gestsson, Bárður á Reynatrøð, Jóannes K. Danielsen, Pætur Petersen, Sonni Ragnar Nattestad, Andrias Edmundsson, Sølvi Vatnhamar, Hørður H. Askham, Hannes Agnarsson, Stefan Radosavljevic, Ári Mohr Jónsson, René Shaki Joensen
