Birita heldur fram sum næstforkvinna í Starvsfelagnum
Ongar broytingar eru í nevndini í Starvsfelagnum eftir nevndarvali í ár. Tað er greitt eftir aðalfundin, sum var tann 4. mars
Sigurjón Einarsson
17. mars 2023 kl. 15:21
Birita heldur fram sum næstforkvinna í Starvsfelagnum.
Nevndin í Starvsfelagnum hevur skipað seg við Biritu Fritleifsdóttir Kjærbæk sum næstforkvinnu. Á aðalfundinum, sum var 4. mars, vórðu Birita og Borgný Mohr afturvaldar í nevndina fyri eitt trý ára skeið. Einki mótvalevni var til nevndarsessirnar hjá Borgný og Biritu, sum stóðu fyri vali.
Birita hevur tað seinasta árið verið næstforkvinna í Starvsfelagnum og heldur sostatt fram í sessinum. Tí er eingin broyting í nevndini eftir nevndarvali í ár.
Hini í nevndini eru: Súni Selfoss, formaður, Borgný Mohr, nevndarlimur, Hildigerð Djurhuus, nevndarlimur og Hergeir Staksberg, nevndarlimur.