Seinni í mánaðinum fer landsliðið at spæla á heimavølli ímóti Kekkia og Albania. Håkan Ericson hevur í morgun boðað frá, hvørum spælarum hann hevur sent boð eftir.
Millum hesar er Brandur Hendriksson Olsen, sum nú umboðar Fredrikstad, har hann er liðfelagi við Jóannes Bjartalíð, og har Mikkjal K. Thomassen er venjari.
-Tað er kærkomið, at Brandur H. Olsen er komin fyri seg aftur. Vit rokna ikki við, at hann verður millum teir fyrstu ellivu nú í summar. Møguleiki er fyri, at hann verður skiftur inn í nakrar minuttir, og so vóna vit, at Brandur í heyst verður førur fyri aftur at vera stuðulsspælari, sigur Håkan Ericson.
Toppskjúttin í føroyskum fótbólti Páll A. Klettskarð var undan norðoyastevnudystinum ímóti AB valdur aftur at vera besti spælarin í føroysku kappingini. Nú hava føroyskir serfrøðingar valt hann at vera besta spælara í kappingini í mars, apríl og í mai. Men landsliðsvenjarin hevur ikki sent boð eftir Páll A. Klettskarð:
-Eg havi tosað við Páll A. Klettskarð og sagt honum, hvussu landið liggur hesum viðvíkjandi. Í føroysku kappingini er KÍ mest í álopsstøðu, og tað ber við sær nógv innlegg, sum Páll umsetir til mál. Á landsliðnum er tað øðrvísi. Ti hava vit bara brúk fyri einum boksspælara, og har rokni eg framvegis Klæmint A. Olsen at vera tann fremsta, sigur Håkan Ericson.
Hinir báðir álopsspælararnir eru Petur Knudsen, sum av álvara er komin fyri seg og er á liðnum hjá Lyngby í superliguni, og so Jóan Símun Edmundsson, sum hevur verið nógv skaddur og ikki hevur spælt í belgisku landskappingini.
-Jóan Símun er komin fyri seg, og hann hevur vant regluliga seinastu nógvu vikurnar, og hann hevur eisini verið við í fleiri venjingardystum. Fyri hópin og venjingarnar hevur tað stóran týdning, at Jóan Símun Edmundsson er tøkur, hóast leikouturin hjá honum verður at verða skiftur inn, sigur Håkan Ericson.
Leygardagin 17. juni verður Kekkia mótstøðuliðið, og týsdagin 20. juni verður Albania gestur á Tórsvølli.
Málverjar
Teitur Matras Gestsson HB
Mattias H. Lamhauge B36
Bárður á Reynatrøð Víkingur
Verjuspælarar
Gilli Rólantsson Sørensen TB
Hanus Sørensen HB
Viljormur Davidsen HB
Ári Mohr Jónsson HB
Odmar Færø KÍ
Heini Vatnsdal KÍ
Gunnar Vatnhamar Víkingur Reykjavík
Sonni Ragnar Nattestad B36
Rógvi Baldvinsson Bryne IF
Miðvallarar
Jákup B. Andreasen KÍ
Andrass Johansen B36
Hannes Agnarsson B36
Mads Bo Mikkelsen KÍ
Jóannes Bjartalíð Fredrikstad IF
Sølvi Vatnhamar Víkingur
Stefan Radosavljevic Sligo Rovers
René Shaki Joensen KÍ
Brandur H. Olsen Fredrikstad
Ári Mohr Jónsson HB
Brandur Hendriksson Olsen Fredrikstad IF
Álopsspælarar
Klæmint A. Olsen Breiðablik
Petur Knudsen Lyngby BK
Jóan Símun Edmundsson Beveren
.png){kind=logo}
