Arbeiðið at dagføra reinsiverkisskipanina í Nes kommunu er nú farið í gongd.

Endamálið er fyrst og fremst at fáa litin úr drekkivatninum.

Tað skrivar Nes kommuna á heimasíðu sínari.

Hesa vikuna varð farið undir at seta upp nýggj UV-filtur við tilhoyrandi nýggjum kontrolskápum.

Komandi dagarnar verður so sett upp ein royndarskipan, sum skal staðfesta, um til ber at fáa litin burtur við at nýta kolfiltur.

Í næstum verður eisini sett upp eitt “aggrigat” í nýggja skúrin, sum arbeiðsmenninir hjá kommununi eru í ferð við at gera uppat reinsiverkinum.

Nes kommuna fær drekkivatn úr Kornvatni, Handara Hamravatni, Heimara Hamravatni og partvís úr Toftavatni, tá ið turkur er.