Drekkivatnið reint aftur á Argjum og í vesturbýnum

Tórshavnar kommuna skrivar á heimasíðuni, at tann 14. september vórðu koliformar bakteriur staðfestar í vatninum frá vatnverkinum í Havnardali. Talan var um stóran part av vesturbýnum og part av Argjum.

Víðari skrivar kommunan, at drekkivatnsroyndir vórðu tiknar í gjár, mánadagin 20. september, og tær vísa, at vatnið er reint aftur á Argjum og í vesturbýnum.