Enn ein Premier League venjari koyrdur til hús

Scott Parker, Thomas Tuchel, Bruno Lage, Steven Gerrard, Ralph Hasenhüttl, Frank Lampard og nú Jesse Marsch. 

Tað er listin yvir Premier League venjarar, sum eru koyrdir til hús í hesum kappingarárinum. Tann seinasti, sum er lagdur afturat er amerikanski Jesse Marsch.

Á sínari heimasíðu kunngjørdi Leeds í gjár, at venjarin er sekkjaður.

Leeds hevur avrikað illa í seinastuni. Liðið hevur ikki vunnið ein Premier League dyst síðan 5. november 2022, og er liðið nú ájavnt Everton, sum er undir niðurflytingarstrikuni. Leeds hevur tó megnað at spælt seg í 1/8 finalurnar í Fa Cup.

49 ára gamli Marsch bleiv settur tann 28. februar 2022. Hann náddi ikki at sita í venjarastólinum í eitt ár. Hann hevði sáttmála til summarið 2025.