P/F Eystur- og Sandoyartunlar kunngera í dag, at felagið setur eina fastprísskipan í verk fyri persónbilar, sum brúka Eysturoyartunnilin sum farleið.
Á heimasíðuni hjá estunlar.fo sæst at lesa, at tá ein persónbilur hevur koyrt 40 túrar á sama strekkið sama mánað, so verður einki gjald fyri eftirfylgjandi túrar.
– Hevur tú hald, skal tú sum brúkari einki gera, fyri at fáa ágóðan av skipanini. Mesti prísurin verður 2.100 krónur um mánaðin fyri strekkið Hvítanes/Eysturoynna. Mesti prísur fyri strekkið millum Rókina og Strendur verður 700 krónur um mánaðin.
Skipanin kemur í gildi frá 1. juli 2022.
Herundir sæst avsláttarskipanin fyri persónbilar við haldi:
Streymoy – Eysturoy - Streymoy Runavík – Strendur - Runavík
1-10 túrar 75,- kr. 750,- 25,- kr. 250,-
11-20 túrar 65,- kr. 650,- 22,- kr. 220,-
21-30 túrar 40,- kr. 400,- 13,- kr. 130,-
31-40 túrar 30,- kr. 300,- 10,- kr. 100,-
Yvir 40 túrar 0,- ____ 0,- ____
Í mesta lagi kr. 2.100 kr. 700
Skrásetingarskipanin í Eysturoyartunlinum skrásetur talið á túrum fyri hvønn persónbil frá fyrsta í hvørjum í hvørjum mánaði og ásetir prísin eftir túratalið ávísa mánaðin. Hetta skal skiljast soleiðis: Fyrstu tíggju túrar kosta kr. 75,- pr túr, túrur 11 til 20 kosta kr. 65,- pr. túr o.s.fr.
- Tá koyrt er 40 túrar, er einki gjald fyri eftirfylgjandi túrar ávísa mánaðin, skrivar estunlar á heimasíðu sínari.
Kelda: estunlar.fo