Flytur úr Hoyvík og inn á Skála

Skála skrivar soleiðis í kvøld:

Simon Girke Jørgensen hevur undirskrivað 2 ára sáttmála við Skála ÍF.

Simon er 19 ára gamal, hann er ein offensivur leikari, við góðum bóltførleika og tekniskt dugnaligur.

Hann innleiddi sína fótbóltsleið í OB. Í fjør skifti hann síðani til føroyskan fótbólt, har hann spældi við FC Hoyvík.

Felagið fegnast um at fáa Simon á liðið og vónar at tikið verður væl ímóti honum, skrivar Skála Ítróttarfelag.

Sambært FaroeSoccer spældi Simon í fjør níggju dystir og skoraði tvey mál fyri FC Hoyvík.