Tá Luksemborg og Turkaland leiktu seinastu leygardag í høvuðsstaðnum í Luksemborg, so vóru fleiri turkar á stadion enn Luksemborgarar. Hetta var heilt óvæntað og óhoyrt. Hóast tað neyvan vera fleiri føroyingar á stadion í kvøld enn Luksemborgarar, so eru tað nakrir føroyingar, ið hava ferðast til Luksemborg til dystin ímillum Luksemborg og Føroyar í kvøld.
Í almennu viðarlundini í høvuðsstaðnum, Parc de Ville, møtti undirritaði Tórða Hentze, sum er partur av einum føroyskum ferðalagið, ið ætlar sær til dysin í kvøld. Talan er um seks vinmenn, ið javnan ferðast fyri at stuðla føroyska landsliðnum á útivølli.
Sambært Tórða Hentze, so er tað stemningurin og samanhaldið, ið dregur hann til útidystirnar hjá føroyska A-landsliðnum. Hann væntar, at Føroyar fara at vinna.
– Vit fara at vinna 2-0. Akkurát sum seinast, tá eg var her í Luksemborg í 2001, sigur Tórður.
Hoyr hugnaliga prátið úr Parc de Ville í Luksemborg við Tórða Hentze her:
.png){kind=logo}
