Fyrra kvinnufinalan um føroyameistaraheitið í flogbólti er millum SÍ og Drátt klokkan 15 í dag.  Klokkan 18 bresta menninir í ÍF og Mjølni saman at spæla sítt fyrra finaluumfar í FM-stríðnum.

Kringvarp Føroya vísir báðar dystirnar á heimasíðu síni kvf.fo, har tað ber til hjá flogbóltsáhugaðum og øðrum at stroyma dystirnar.

Seinnu finaludystirnir verða spældir leygardagin, og um so er, at bæði liðini hava vunnið hvør sín dyst, verða finalurnar hjá kvinnum og monnum avgjørdar við einum gullsetti.

Hesi fýra liðini, sum í dag fara á gólvið aftur, eru júst tey somu, sum komu í steypafinalurnar fyrr í ár. Tá vann SÍ hjá kvinnum, meðan ÍF dró longra stráðið hjá monnum.