Sum danska stjórnin áður hevur fráboðað, er ætlanin at byggja nýtt fongsul í Føroyum og tað skal standa liðugt í 2029.
Síðani eru kommunurnar kring landið bidnar um at koma við uppskotum um, hvar tað skal vera. Eisini Tórshavnar Býráð bjóðar seg fram at hýsa einum nýggjum fongsli.
Fleiri ítøkilig krøv eru til staðsetingina, eitt nú skal tað vera beint við bygdt øki og vegasamband og tað skal ikki vera langt frá Havnini.
Tað skal helst vera gott busssamband starvsfólk og vitjandi, eins og økið kann gerast partur av einum nærumhvørvi tó at tað kann verða avbyrgt. Og nýggja fongslið krevur nógv pláss og tí skulu 80.000 fermetrar setast av til fongslið
Umsitingin hjá Tórshavnar býráð hevur kannað málið og er komin til ta niðurstøðu, at tað eru fýra pláss, sum eru hóskandi til endamálið.
Talan er um økið í Húsahaganum har tyrvingarplássið var – og umsitingin hjá býráðnum heldur, at har liggur fongslið best.
Annars kann tað eisini vera á Velbastað, Inni á Gøtu, ella á Glyvursnesi.
Nú skal býráðið so taka eina endaliga støðu, áðrenn eitt tilmæli verður sent myndugleikunum.
.png){kind=logo}
