Havnarkórið hevur seinastu árini einamest framført størri kórverk saman við orkestri og solistum. Kórið framførdi farna heyst stóra oratoriið hjá Haydn Árstíðirnar.
Í vár hevur kórið lagt seg eftir at syngja føroyskan og norðurlendskan kórtónleik. Tað verður eisini tað, sum kórið fer at framføra á suðuroyarferðini.
Konsertskráin
Eitt av verkunum, sum Havnarkórið fer at framføra er Sólarmessa, sum Pauli Hansen skrivaði til Húsakórið í Keypmannahavn í 2003. Teksturin er samansettur av yrkingum hjá T. N. Djurhuus. Eisini hevur kórið eina frumframførslu á skrá. Hetta er sangur sum Anne Mette Greve Klemensen hevur gjørt lag og útseting til.
Gitni danski tónasmiðurin Vagn Holmboe hevur fylt nógv í konsertskránni hjá Havnarkórinum, og fer kórið á konsertini at syngja tveir av hansara satsum.
Í Havnarkórinum eru umleið 50 sangarar.
.png){kind=logo}
