Í morgin er jólafótbóltur á skránni í Onglandi

Bretar kalla 2. jóladag fyri Boxing Day - men hví er so?

Fríðmundur Nattestad
25. desember 2024 kl. 21:00

Í morgin, 26. desember, er 2. jóladagur. Í Bretlandi kallast hesin dagur Boxing Day. Hetta er ein dagur, har vanligt er at geva til tey minni hepnu. Navnið stavar helst frá gomlu siðvenjuni um at geva "jólakassar" - Christmas boxes - fyltar við pengum, mati ella gávum til tænarar, handilsfólk og fátøk. Hesir kassarnir vórðu ofta býttir út av arbeiðsgevarum ella kirkjum sum takksemi og stuðul í høgtíðini.

Her í Føroyum eru mong sum seta Boxing Day í samband við Premier League. Hendan siðvenjan byrjaði heilt afturi í 1860. Fólk høvdu frí um jólini, og vóru saman við familjuni, og gjørdist tað tí vælumtókt at hava fótbóltsdystir á Boxing Day. Hetta gjørdist eitt hæddarpunkt í fótbóltskalendaranum, og eru ofta fleiri spennandi dystir á skrá hendan dagin.

Premier League skráin fyri Boxing Day í morgin er hendan:

Kl. 12.30

Manchester City - Everton


Kl. 15.00

Bournemouth - Crystal Palace

Chelsea - Fulham

Newcastle - Aston Villa

Nottingham Forest - Tottenham

Southampton - West Ham


Kl. 17.30

Wolverhampton - Manchester United


Kl. 20.00

Liverpool - Leicester