Í gjár varð ringt til løgregluni av eini kaffistovu í miðbýnum í Havn. Tey høvdu uppdagað, at hurðalásið inn í goymslun var brotið og at tjóvar høvdu stolið einar 10 rammur av øli og cider, ella tilsamans einar 240 øl og cider.

Løgreglan hevur kannað umstøðurnar, og tey leitaðu eisini uttanfyri við hundum, men tey vita ikki, hvørjir tjóvarnir eru.

Tí heitir løgreglan nú á almenningin um hjálp, so er tað onkur, sum hevur sæð nakað, ella sum veit um ølið og cidarin at siga, eru tey vælkomin at ringja 

Løgreglan sigur, at annars hevur verið stak friðarligt. Fyrrapartin í gjár varð ein maður tikin fyri at koyra við kenning í Eysturoynni. Hann varð steðgaður í vanliga eftirlitunum hjá løgregluni og tá ið førarin varð kannaður, og blásti í alkomátaran, sló hann út og tí er blóroynd tikin av manninum.