Joe Biden forseti mælir til vápnaforboð sum skjótast í USA

Seinastu dagarnir hava verið serstakliga blóðigur í serstatinum California. Leygardagin vórðu 11 fólk dripin av skotum í býðarpartinum Monterey Park í stórbýðnum Los Angeles, og í gjár vórðu sjey kinesarar dripnir 500 kilometrar frá tí amerikanska milliónabýnum

Ragnar Sjúrðarson

24. januar 2023 kl. 20:40

Orsaka av hesum ræðuligu hendingunum mælir Joe Biden, forseti, í dag til, at kongressin setir í verk eitt forboð í móti kraftamiklum vápnum - ella álopsvápnum.

Hetta sigur hann í eini orðing, sum er send frá teimum hvítu húsunum

- Vit vita, at vápnakriminalitetur, sum er ein plága í øllum USA, krevur sterkari raðfesting, slær forsetin fast.

- Enn einaferð mæli eg kongressina til at taka eina avgerð sum skjótast, og smíða eitt lógarforboð í móti álopsvápnum og geva mær tað á skrivaraborðið, so amerikonsk nærsamfeløg, skúlar, arbeiðspláss og privat heim kunna verða trygg støð at uppihalda seg í, sigur Joe Biden.

Í fjør varð USA rakt av tilsamans 647 hópskotálopum sambært heimasíðuni Gun Violence Archive. Síðan telur hópskotálop sum skotálop har fýra ella fleiri verða skotin ella dripin.

/ritzau/AFP