Heilsumálaráðið boðar í dag frá, at Katrin Kallsberg, serlækni í kvinnusjúkum á Landssjúkrahúsinum, og fyrrverandi løgtingskvinnu fyri Tjóðveldi, er nýggjasti limurin í Etiska ráðnum.
Kaj Leo Holm Johannesen, landsstýrismaður, valdi herfyri nýggja manning í Etiska ráðið, men eftir at ein av limunum, sum varð endurvaldur, hevur boðað frá, at viðkomandi ikki ynskir at halda fram, er ein nýggjur limur komin ístaðin.
Í tíðindaskrivi vísir heilsumálaráðið á, at tað í serligu viðmerkingum til grein 6 í lótini er útgreinað, hvussu hesin limurin eigur at veljast:
“Landsstýrismaðurin tilnevnir harumframt ein lim. Hugsað verður um, at hesin limur m.a. skal hava heilsufakligan kunnleika til gransking og viðgerð innan læknafrøði, og til gransking og viðgerð innan heilsuøkið. Mett verður, at tað er neyðugt at hava eitt heilsustarvsfólk við læknafakligari bakgrund í ráðnum, av tí at stórur partur av tí granskingarvirksemi, ið fer fram viðvíkjandi lív- og ílegutøkni innan heilsuøkið, verður gjørt av læknum”.
.png){kind=logo}
