Korona: Smittuprosentið í gjár var 3,8

Tað vórðu skrásettir 58 nýggir smittutilburðir eftir koronakanningarnar í gjár.

Tað er ikki so stór broyting í mun til talið dagarnar frammanundan, men tað er kortini høgt, tá hugt verður eftir smittuprosentinum.

Tí í gjár vóru bara 1.521 kanningar gjørdar, og tað gevur eitt smittuprosent uppá 3,8 fyri dagin í gjár. Og tað er nógv hægri enn myndugleikarnir vilja hava.

Lars Fodgaard Møller, landslækni, hevur í fleiri umførum sagt, at myndugleikarnir vilja hava eitt smittutal er lægri enn 1,5, men tí talinum eru vit langt frá nú.

Í løtuni eru 540 fólk smittað við koronu og seks fólk eru innløgd. Tað hava verið 13 deyðsføll í samband við koronu higartil.