Løgreglan kannar tvey innbrot

Í løtuni kannar løgreglan tvey innbrot, annað var í Miðvági og hitt var í Havn. Løgreglan sigur, at sunnunáttina hava fólk brotið seg inn í Bónus í Miðvági har tey hava stolið pengar, men upphæddina vita tey ikki akkurát.

Og í nátt hevur innbrot verið í einum stovni tætt við miðbýin í Havn, har ein lítil pengakassi við nakað av pengum í, er stolin, men talan er um eina lítla upphædd, sigur løgreglan.

Um vikuskiftið varð eisini brotið inn í tvær matstovur í miðbýnum í Havn eftir rúsdrekka og pengum. Løgreglan sigur, at vakmyndatól eru á báðum matstovunum og tað var skjótt at tey fingu illgruna til ávís fólk. Í tí sambandi vórðu tvey fólk tikin, so tað málið er uppklárað.