Í morgin verður prógvhandan hjá Setrinum í Norðurlandahúsinum, har Chick Collins, rektari, skal handa eina ørgrynnu av nýggjum prógvum.
Ongantíð áður hevur Fróðskaparsetur Føroya latið so mong prógv sum nú í ár. Talan er um 165, ið hava staðið prógv í ár, og hetta er met
Av teimum 165 prógvunum, eru 125 bachelorprógv, 18 masterprógv og 22 hava staðið onnur prógv, til dømis sum hjánám og ískoytisprógv.
Síðani seinastu prógvhandan á sumri 2021 hava 58 staðið prógv, og hesi verða eisini hátíðarhildin í Norðurlandahúsinum fríggjadagin 24. juni. Hetta merkir, at samanlagt hava 223 lesandi staðið prógv á Fróðskaparsetri Føroya seinastu 12 mánaðirnar.
Aftrat metstóra talinum av prógvum, so er tað haraftrat fyrstu ferð, at Setrið útskrivar bachelorprógv í listaligum arbeiði og í løgfrøði.
Prógv til prógvhandanina 24. juni 2022:
21 bachelor í sjúkrarøktarfrøði
5 master í heilsuvísindum
3 master í fólkaheilsu
4 bachelor í føroyskum
1 hjánám í føroyskum
8 bachelor í listaligum arbeiði (TEY FYRSTU, SUM FÁA PRÓGV)
35 bachelor sum fólkaskúlalærari
28 bachelor sum námsfrøðingur
6 ískoytisprógv fyri lærarar
1 ískoytisprógv fyri námsfrøðingar
14 prógv á masterstigi í námsfrøðiligari útbúgving av lærarum á miðnámsskúlum, yrkisskúlum og vinnuskúlum
1 bachelor í KT-verkfrøði
1 bachelor í vistfrøði
7 bachelor í búskaparfrøði
12 bachelor í løgfrøði (TEY FYRSTU, SUM FÁA PRÓGV)
1 bachelor í politikki og umsiting
3 bachelor í samfelagsvísindum
4 bachelor í søgu
2 master í politikki og umsiting
4 master í sosialvísindum og samfelagsplanlegging
4 master í søgu
Tilsamans 165 prógv í 2022
Kelda: setur.fo