Mítt fremsta hjartamál er skattalætti

Tað skal aftur loysa seg at arbeiða hjá ungum sum eldri, hjá lesandi og lærlingum og ikki minst hjá sperdu familjunum. Meðallønt skulu í mesta lagi rinda 30% í skatt og lægri lønt væl minni.

Lesandi og lærlingar skulu kunna forvinna 85.000 kr. skattafrítt.

Pensjónistar skulu forvinna minst 80.000 kr, uttan nakra mótrokning. Eftir tað verður mótrokningin bert 20% í mun til 60% fyrr, tvs forvinnur pensjónistur 100 kr, so verður mótrokningin einans 20 kr, men fyrst eftir 80.000 kr. Mítt fremsta hjartamál er, at tað skal loysa seg at búgva og virka í Føroyum.

Jørgen Niclasen, valevndi Fólkafloksins