Nú eru 19.187 húski í Føroyum.  Tað vísir ein uppgerð hjá Hagstovuni. Tað merkir, at nú eru 394 húski fleiri kring landið enn tað vóru fyri einum ári síðani, tá ið tað vóru 18.793 húski í landinum.

Men tað merkir eisini, at hesi seinastu árini er talið alsamt vaksið, tí 2010 vóru 16.024 húski í landinum, ella yvir 3.000 húski færri enn tað eru nú.

Men uppgerðin hjá Hagstovuni vísir eisini, at størsti bólkurin á húskum, eru húski, har tað bara búgva vaksin fólk. 

Nógv tann størsti bólkurin eru húski, har tað bara býr eitt fólk. Tað er nevniliga í meiri enn fjórða hvørjum húski, ella í 4.968 húskjum, at tað bara býr eitt einsamalt fólk.

Næststørsti bólkurin er húski, har tað bara búgva tvey vaksin fólk, tey eru 4.692 í tali. Og triðstørsti bólkurin av øllum, eru húski, har tað bara búgva trý vaksin, og tað eru 2.684 húski, har tað bara búgva trý vaksin fólk.

Tað merkir, at í næstan øðrum hvørjum húski, er í 9.660 húskjum eru tað bara vaksin fólk. Sostatt eru tað12.344 húski, ella tveir triðingar av øllum húskjum, har tað bara búgva vaksin fólk.