Nú hækkar rentan aftur
Betri Banki boðar frá, at bankin hækkar inn- og útlánsrenturnar
Sigurjón Einarsson
28. mars 2023 kl. 16:15
Higartil í ár hevur danski Tjóðbankin hækkað rentuna í tveimum umførum við samanlagt 0,85%-stigum. Hetta verður gjørt fyri at tálma eftirspurninginum eftir vørum og tænastum og harvið minka um inflasjónina.
Rentuhækkingarnar hava við sær, at Betri Banki nú eisini hækkar inn- og útlánsrenturnar.
Fyri privat hækka renturnar soleiðis:
• Innlánsrentur hækka við upp til einum prosentstigi.
• Útlánsrentur hækka við upp til 0,3 prosentstigum.
Fyri vinnukundar hækka renturnar soleiðis:
• Innlánsrentur hækka við upp til 0,75 prosentstigum.
• Útlánsrentur hækka við upp til 0,5 prosentstigum.
Broytingarnar koma í gildi tann 1. mai, skrivar bankin í tíðindaskrivi.
.png){kind=logo}