Eftir at leikarisin Mattel tey seinastu árini hevur framleitt nýggjar útgávur at kendu Barbie-dukkuni, har hon millum annað hevur fingið meira veruleikakendan kropsform, ber brek ella er kynsóheft, so er túrurin nú komin til eina tvørkynda dukku.
Dukkan, sum kom á marknaðin farna fríggjadag, heiðrar tvørkyndu sjónleikarinnuni Laverne Cox, ið er kend frá røðini “Orange is the New Black”.
Tað skrivar BBC.
Barbie-dukkan kom á marknaðin í samband við 50-ára føðingardagin hjá Laverne Cox, og sjónleikarinnan vónar, at dukkan kann hjálpa børnum at droyma stórar dreymar.
Hon segði í samband við, at dukkan kom á marknaðin, at hon varð útskammað sum barn, tí hon ynskti sær eina Barbie-dukku. Tá hon endiliga fekk eina dukku, hjálpti hendan Barbie-dukkan henni til at finna sín kvinnuliga samleika.
Laverne Cox hevur arbeitt tætt saman við Mattel um hesa nýggju dukkuna.
Tey seinnu árini hevur Mattel framleitt fleiri ymiskar Barbie-dukkur, sum skulu umboða fjølbroytni og umboðan við sínum vørum. Mattel hevur eisini framleitt fyrimyndir-Barbie, ið heiðra kvinnulig rúmdarfólk og granskarar umframt søgulig borgararættindastríðsfólk, sum eitt nú Rosa Parks og hijab-berandi fektaran Ibtihaj Muhammad.
.png){kind=logo}
