Ókeypis at fylla sær el-tangan í hesum døgum

Hevur tú el-bil, so hevur tú seinastu vikurnar havt møguleikan at løða bilin ókeypis á almennu løðistøðunum kring alt landið. Almennu løðistøðirnar kring landið eru nevnliga ókeypis.

Orsøkin til at almennu løðistøðirnar hava verið ókeypis seinastu tíðina er, at SEV í løtuni er í holt við at skifta gomlu gjaldsskipanina á almennu løðistøðunum út við eina nýggja. Í tí sambandið hevur SEV avgjørt, at løðistøðirnar kring landið framhaldandi skula vera tøkar hjá brúkarunum, hóast tað ikki ber til at gjalda fyri el.

Sambært deildarleiðarinum á innleggingardeildini á SEV, Eyðun Djurholm, so heldur núverandi støðan ikki leingi fram aftrat:

- Vit hava haft nakrar tekniskar trupulleikar við gjaldskipanini, men tað verður fyrsta dagin, so fer skipanin at rigga.

Samstundis sum, at tað er ókeypis at løða sín el-bil á almennu løðustøðunum í Føroyum, so eru prísirnir fyri bensin og diesel óvanliga høgir. Sambært heimasíðuni hjá magn, so eru bensin og diesel prísirnir hesir: