Sunnudagin fór eitt ferðalag við trimum framerunnarum til Frame Running camp 2021, ið er í Frederiksberg hesa vikuna.
Tað er royndi Martin Johannesen, sum saman við John Hera Johansen og unga Ábraham Bjarnason, sum luttaka á stevnuni hesu ferð.
Stevnan varð avlýst í 2020, men teir tríggir hava vant miðvíst seinastu tvey árini til hesa stevnuna.
Tað er fastur táttur hjá FrameRunning at halda altjóða stevnur um miðjan juli í Frederiksberg, og stevnan endar við kapping millum luttakararnar.
Fleiri lond luttaka vanligt á stevnuni, men í ár er luttøkan avmarkað av koronuorsøkum, so luttakandi londini eru Føroyar, Danmark, Svøríki, USA og Frakland.
Luttakararnir hjá ymisku londunum vórðu flokkaðir í gjár, og nú er venjing í góðveðrinum á skránni, áðrenn sjálv kappingin verður.
Kelda: Parasport Føroyar
.png){kind=logo}
