Rithøvundar hittast: Føroyar og Ísland í skaldskapi

Tiltak: Carl Johan Jensen og Hallgrímur Helgason, rithøvundar, fara í kvøld, undir leiðslu av Bergi Djurhuus Hansen, bókmentafrøðingi, at skifta orð um, hvussu teir brúka ávikavist Føroyar og Ísland í skaldskapi sínum

Sigurjón Einarsson

15. juni 2022 kl. 11:16

Í kvøld, mikukvøldið 15. juni klokkan 19 verður eitt bókmentatiltak í Paname Café í Gamla bókhandli á Vaglinum í Havn.

Føroyski rithøvundurin Carl Jóhan Jensen og íslendski Hallgrímur Helgason fara at tosa um, hvussu teir brúka ávikavist Ísland og Føroyar í skaldskapi sínum.

Tað skrivar Fróðskaparsetrið á heimasíðu sínari.

Høvi verður eisini at hoyra teir lesa.

Orðstýrari verður Bergur Djurhuus Hansen, lektari og bókmentafrøðingur.

Rithøvundarnir fara at samskifta á enskum sínámillum.