Seks bilførarar fingu klipp
Gjáramorgunin fingu seks bilførarar klipp í koyrikorti, tá løgreglan gjørdi kanningar við barnagarðin á Svangaskarði á Toftum
Kristian Waag Dam
17. november 2022 kl. 09:00
Í gjár var løgreglan og gjørdi kanningar við barnagarðin á Svangaskarði á Toftum, har fleiri foreldur tóktust at hava skundað sær ov nógv henda morgunin.
Sambært vaktleiðaranum á politistøðini í Havn, fingu seks bilførarar klipp í koyrikorti, tí børn undir 135 centimetrar sótu óbundin í bilunum.
Harumframt fingu tríggir bilførarar átalu, fyri ikki at hava koyrikorti uppi á sær.
Kanningarnar vórðu gjørdar í gjár í tíðarskeiðnum frá klokkan 07:25 til 9:25.
.png){kind=logo}
