O Yeong-su spældi leiklutin sum Oh Il-nam í kendu sendirøðini hjá Netflix, Squid Game. Røðin kom út fyri einum góðum ári síðan og er ein tann best umtókta røðin hjá stóru stroymingartænastuni, Netflix. Nú er O Yeong-su ákærdur fyri eina hending, sum hendi í 2017.
Tað skrivar miðilin BBC.
Eftir ákæruna eru tey steðgað við at vísa eina sjónvarpslýsing í Suður Korea, har O Yeong-su hevur ein leiklut.
Fyrsta sesongin av Squid Game eydnaðist so mikið væl, at Netflix hevur avgjørt at framleiða eina sesong afturat. Filmshandritini eru í gerð, og ætlanin er at gera nýggju røðina enn meira spennandi fyri hyggjararnar, hevur Kim Ji-yeon sagt. Kim Ji-yeon er ein av framleiðarunum.
Squid Game er ein koreansk sendirøð, sum kemur undir at vera ein ræðu-, spennings- og dramarøð. Røðin snýr seg í høvuðsheitum um, at fleiri 100 luttakarar eru við í einari kapping um at vinna eina stóra peningaupphædd. Í kappingi spæla luttakararnir barnaspøl, og tað ræður um ikki at tapa. Um ein luttakari tapir, so doyr luttakarin. O Yeong-su spælir leiklutin sum ein luttakari og er eisini tann elsti luttakarin í kappingini.
.png){kind=logo}
