Útbrótaraligain European Super League verður neyvan veruleiki, sigur næstformaðurin fyri Super League og eigarin av Juventus, Andrea Agnelli, sambært Reuters.
Boðini koma, eftir at øll tey seks ensku Premier League-feløgini trektu seg seint í gjárkvøldið.
Agnelli dugir ikki at síggja, at hendan ætlanin nú verður veruleiki einaferð í framtíðini.
- Fyri at vera ærligur, nei, tað rokni eg ikki við verður so. Nú sær tað torført út, sigur Agnelli við Reuters.
Nú hevur Atlético Madrid eisini trekt seg
Spanska fótbóltsfelagið Atlético Madrid hevur nú eisini alment trekt seg frá ætlaðu Super League.
Tað upplýsir La Liga-felagið á sínari heimasíðu í dag.
Hetta kemur í kjalavørrinum av útsagnini hjá Andrea Agnelli fyrr í dag, at ætlanin neyvan verður veruleiki.
Nú eru einans fýra feløg eftir av teimum 12, ið ætlaðu at gera sína egnu Super League. Nú siga miðlar, at tað nokk bara er ein spurningur um tíð, áðrenn Milan eisini meldar seg úr ætlanini.
Her er eitt lítið yvirlit yvir feløgini, sum enn eru við og tey, ið hava trekt seg úr Super League-ætlanini:
Framhaldandi við í Super League
Barcelona
Real Madrid
Juventus
Milan
Hava trekt seg úr Super League
Arsenal
Chelsea
Liverpool
Manchester City
Manchester United
Tottenham
Inter
Atletico Madrid