Tað gekk skjótt fyri seg, men Varðin í Gøtu fekk eit so gott tilboð úr Noreg, at tey valdu at selja uppsjóvarskipið Tróndur í Gøtu til Noregs.

Haslsteinssen, sum norska felagið eitur, er í ferð við at byggja eitt nýtt skip á Karstensens skipasmiðjuni í Skagen, men skipið er seinkað. Tað hevur við sær, at umf elagið onki skip hevur, so missir tað loyvini at fiska. Tí var umráðandi at keypa eitt skip nú.

-Tilboðið var so gott, at vit ikki kundu siga nei, sigur Dávid Jacobsen, nevndarformaður.

Varðin byggir eisini eitt nýtt skip á Karstensens skipasmiðjuni í Skagen, sum skal latast felagnum í vár. Skipið skuldi avloysa Finn Fríða, sum annars var settur til sølu.

Nú er hann rikin av sølulistanum og Tróndur í Gøtu seldur í staðin

Skipið fer úr flotanum 1.mai.