Trý særd av kníválopið í Norra

Í morgun leyp ein maður á hjúnafelaga sín við knívi í býnum Nore í Norra. Trý fólk vóru særd av hendingini, millum annað hjúnafelagin og brotsmaðurin

(Mynd: EPA.-EFE)
Kristian Waag Dam
20. mai 2022 kl. 15:04

Tað er ein dapur dagur í lítla norska býnum Nore í Norra. Klokkan 8:58 í morgun fekk løgreglan eina fráboðan um, at eitt kníválop var fari fram í býnum, Nore. Fleiri vitni sóu hendingina, av tí at hendingin fór fram tætt við bæði skúla og sølubúðir. Brotsmaðurin var umringaður av fólki á staðnum og sløkkiliðnum.

Ein maður úr Sýria er ákærdur í hesum málið. Tann ákærdi er ákærdur fyri grovan harðskap. Norska løgreglan hevur váttað, at tann ákærdi maðurin var hjúnafelagi hjá ein av teimum álopnu. Í desembur í fjør fekk ákærdi maðurin forboð at vitja konuna, í samband við framdan harðskap í øðrum sambandi.

Brotsmaðurin særdi tvey fólk og varð eisini sjálvur særdur. Tveir persónar vóru fluttir á sjúkrahúsið í Ullevål fyri viðgerð. Talan er um álopna hjúnafelagan og brotsmannin. Hjúnafelagin, sum varð álopin varð illa særd. Tann triði persónurin fekk minni skaðar og fekk viðgerð á sjúkrahúsið nærhendis. Tó er óvist, hvør tann triði persónurin er.

Leys Størv