Tað hevur verið stórur eftirspurningur eftir at fáa mobilePay at virka í Føroyum, tí tað ger tað nógv lættari at gjalda fyri keyp, og tað gera tað eisini lættari at taka ímóti pengum, at senda pengar og so framvegis
Og nú verður tað skjótt, at skipanin fer at virka í Føroyum.
Føroya Banki skrivar, at tær síðstu teknisku forðingarnar verða nú loystar, og skjótt ber til at brúka væl umtóktu MobilePay í Føroyum, sigur Føroya Banki.
Fyrireikingarnar eru nú komnar so mikið væl áleiðis, at væntandi verður MobilPay klárt at taka í nýtslu hjá privatkundum um tveir mánaðir, ella í apríl. Tá kunnu øll, yvir 13 ár, fáa sær MobilePay.
Hjá vinnurekandi verður skipanin væntandi klár áðrenn farið verður í summarferiu.
Grundin til, at tað hevur tikið sína tíð at fáa mobilePay til Føroyar, er, at. tað hevur ikki borið til at brúka føroysk p-tøl, føroysk v-tøl, føroysk telefonnummur, og Samleikan í MobilePay
MobilePay er ein app, ið ger tað ómakaleyst at rinda og flyta pengar til onnur uttan at brúka kontunummarið hjá móttakara. Tað ber til at senda til aðrar brúkarar í Føroyum og Norðurlondum, uttan í Íslandi.
