Jóannes Bjartalíð fylgir Mikkjali Thomassen og fer til Frederikstad í Norra.
Tað kunngerð Frederikstad á heimasíðu sínari.
Sáttmálin er galdandi til og við 2025.
– Eg eri ótrúliga glaður og errin yvir at hava skrivað undir við FFK (Frederikstad, red.). Tað er ein dreymur fyri meg at koma higar, og eg eri sera spentur upp á at byrja eitt nýtt kapittul her í Frederikstad, greiðir Jóannes Bjartalíð frá við heimasíðuna hjá felagnum.
Felagið sigur eisini, at tað hevur fylgt væl við unga klaksvíkinginum – eisini áðrenn Mikkjal Thomassen kom til felagið. Ítróttarstjórin í felagnum, Joachim Heier, sigur, at felagið hevur fylgt Jóannesi síðan 2019.
– Bjartalíð er ein spælari við eldhuga, orku og stríðshuga. Hann gevur felagnum meira renniorku, hevur styrki í sínum álopsspæli og ein vinstra fót við krúti í. Hann hevur ein spælistíl, sum eg haldi Frederikstad-viðhaldsfólk fara at seta prís upp á, sigur ítróttarstjórin millum annað um Jóannes Bjartalíð.
Felagið skrivar, at Jóannes Bjartalíð kemur til felagið fyrst í nýggja árinum, og er við, tá fyrsta venjingin verður tann 4. januar.
Jóannes Bjartalíð skoraði í alt 120 mál fyri KÍ í 250 dystum.
.png){kind=logo}
